انتهيت (٢)

ماقدرت اتخطاه وما كان لي حل الا اني اشتري منوم عشان اقدر انام وفعلاً هذا الي صار قمت اكل منوم وانام ساعات طويله واقوم مصدع الين ما لجئت للتدخين ، اي نعم تدخين قمت ادخن من ورا اهلي ومحد كان يدري ولا ١٪؜ اني ادخن ، ماقمت احب اروح الدوام نفس قبل ، تعرفت على صديق الاكتروني عن طريق السوني واسمه ثامر ، ووقتها نساني كل شي وفعلاً عزيته بمعنى المعزه وما كنت ارضى عليه ، ووقتها عرفني على اصدقائه الباقين وعشنا حياه سعيده لمده ٦ شهور ومافكرت فيه ابد وقطعت عن التدخين والمنوم ، عشت شعور الصداقه الحقيقه والحب والاخلاص ، لكن هذا الشي ماطول معاي ابد ، للاسف وثقت للمره الثانيه وقررت اني افتح قلبي حق ثامر وقلت له عن كل شي صار معاي وكملنا اليوم طبيعي ، دخلت المجموعه عشان اكمل العب وياهم ولقيته قايل حق كذا شخص موضوعي وخذوني طقطقه وخلوني اضحوكه

تاثرت وقررت اني اطلع برا المجموعه قمت اطالع يوتيوب دش علي ثامر وقال : بسك دراما وخلك خوش واحد رديت عليه : مافي ضحك جذي ورد علي : م الومه يوم ترك طلعت انسان سافل وعطاني بلوك وقال حق ربعه عطوه بلوك وفعلاً سمعوا كلامه وردت حياتي اعتفست من جد وجديد وصار الروتين الي قبل رد ، لكن م طول سريع ماردت المدرسه وكنت وقتها بالصف التاسع ، ورديت اقوى ومسكت نفسي وصرت اقوى او اني اطلع قدام الناس اني قوي وياجبل ماهزتك ريح ، خلص الدوام ورجعت البيت ووقتها كان ويكند قررت اني اطلع مع ربعي مجمع وشفت سامي قدامي ووقتها حسيت بشعور غريب شعور كتمه على خوف على قلق على توتر كملت ولا رديت خبر وماحسست ربعي بهاذا الشي دشينا سينما وللاسف سامي حاجز نفس الفلم

وكنت وقتها فاتح ايردروب جاني اشعار سفهته وماشفته ورد مره ثانيه رسل لي قررت اني افتحها واشوف شنو هي والرساله كانت : انا ادري مو عاجبك وجودي بس اتمنى تطالع مقعد A4 ويوم لفيت لقيته وجتني كتمه حسيت انه شخص قاعد فوق صدري وثقيل كملت الفلم وبنص الفلم رسل لي مره ثانيه وكان يقول : الندم ماكلني ومو راضي يروح مني، شرايك ننسى الي فات ؟ للاسف صدقت قلبي وقلت له تم وردينا لبعض وكملنا الين بدايه الترم الاول من الصف العاشر ، مايقارب سنه كامله بدون مشاكل وحياه حلوه وكنت اتمنى انه نصير جذي على طول ، لكن انخذلت ، اي نعم انخذلت ياجماعه للمره الثالثه منه ووقتها دشيت بحاله مايعلم فيها ولا مخلوق ، حاولت اني م ابين حق اي شخص ضعفي ولو شنو يصير ما ابين

وحالياً اكلمكم من الترم الثاني من الصف العاشر ، وعندي اصدقاء واجد وعرفت اتعامل معاهم من ناحية الثقه ، سامي قرر يرد للمره الرابعه لكن صدقت عقلي وعطيته بلوك ، اما بنسبه لثامر مادري عنه ، نصيحه: حاول ماتثق في اي مخلوق ، وخل اصدقائك اكترونين بترتاح نفسياً وحالياً تقدرون تقولون عايش سعيد وماهمني اي شخص والي يخذلني مره ما اسامحه مليون مره ، اتمنى عجبتكم القصه ، ونفس ماقلنا : القصه حقيقه الاسماء وهميه .