في سنة 2018 شوفت بنت قدام بيتنا وعجبتني وحبيتها جدا شوفتها مره واحده وفضلت حوالي 3 سنين ما اشوفهاش وفي يوم كنت واقف مع اصحابي في شارع قريب من المدرسه وانا كنت واقف ومدي ضهري للشارع وفجأه جالي شعور كده اني الف وشي للشارع لفيت وشي لقيتها راكبه في عربيه ورايحه المدرسه كانت دي اول مره اشوفها بعد 3 سنين وبعدين انا روحت المدرسه وبعد المدرسه روحت البيت اول ما وصلت البيت قولت لبنت خالتي ان انا شوفتها ( انا كنت قايل لبنت خالتي اني بحب البنت دي ) كنت دايما بقول لبنت خالتي انا نفسي اشوفها وهيا تقولي هتشوفها خليك واثق في ربنا وحلفتلي اني هشوفها وفعلا شوفتها بعدها بفتره كده قررت اني امشي ورا العربيه اللي هيا فيها واعرف مدرستها فين وتاني يوم غبت من المدرسه وركبت العربيه ومشيت وراها لغاية اما عرفت مكان مدرستها وبقيت بروح هناك على طول عشان اشوفها وبقيت بقف في الشارع اللي انا شوفتها فيه عشان اشوفها تاني البنت دي انا حبيتها جدا حبيتها لدرجة الإدمان ونفسي اتجوزها بقالي حوالي 8 شهور بقف استناها في نفس المكان عشان اشوفها لما بشوفها بفرح جدا وبصراحه هيا بنت محترمه ومؤدبه جدا ودي اكتر حاجه عجباني فيها قررت في يوم كده اقول لأمي عليها وقولت لأمي أمي طلعت عارفاها من زمان بإختصار كده أهلها عارفين اهلي فلما قولت لأمي عليها أمي قالتلي هيا بصراحه بنت مؤدبه ومحترمه وجميله ماشاء الله ربنا يحميها بس اصبر شويه مينفعش نتكلم في الموضوع ده دلوقتي اصبر شوية وانا هعملك اللي انت عايزة قولتلها تمام معنديش مشكله وبعدها بكام يوم كنت انا صايع بره 😂 ورجعت البيت لقيت أمي بتقولي عروستك كانت هنا انا اتفاجئت قولتلها ازاي وأمته ومرنتيش عليا ليه وجت مع مين قالتلي احترم نفسك هو ايه اللي ارن عليك 😂 كانت هنا مع مرات خالها ولسه ماشيين من شويه انا دخلت الاوضه بتاعتي وقعدت اقول لنفسي انت غبي مش عارف تيجي بدري حظي وحش بقى 😂

المهم يوم الأحد الساعه 6:48 بتاريخ 26\6\2022 كنت واقف مستنيها فضلت واقف عشان اشوفها حتى انا اتأخرت ع الامتحان وقولت مش مشكله اهم حاجه اني شوفتها ودخلت الامتحان وانا مبسوط .

ويوم الثلاثاء الساعه 6:46 بتاريخ 28\6\2022 شوفتها وشوفت وشها بس كانت نايمه وسانده على ازاز العربيه كانت شبه الملاك وهيا نايمه قولت لما هيا شبه الملاك كده وهيا نايمه اومال وهيا صاحيه بتبقى عامله ازاي وضحكت وقولت بس ازاي واحده عليها امتحان ورايحه المدرسه نايمه انا بتمنى افضل اروح المدرسه كل يوم عشان اشوفها لما بشوفها بفرح والله بحس بشعور جميل كده لما بشوفها في يوم كده انا كنت رايح المدرسه وكنت زعلان ومتضايق اول ما شوفتها ارتحت نفسياً وفرحت بتمنى تبقى موجوده معايا في كل دقيقه وكل ثانيه بتمنى تبقى موجوده طول العمر دي الحاجه الوحيده اللي بتمناها ونفسي تتحقق .

انا نسيت اقولكم انا وهيا في سنه اول ثانوي انا اكبر منها ب 7 شهور و8 أيام بالظبط

تاريخ ميلادي 15\2\2006

وتاريخ ميلادها 23\9\2006

وعايشين احنا الاتنين في السعوديه يعني القصه دي كلها حصلت في السعوديه ولسه لحد انهارده عايشين في السعوديه .

البنت دي من يوم ما شوفتها لغاية انهارده وانا بفكر فيها وبحاول بكل الطرق اني الاقي شغل عشان اجمع فلوس واشتري شقه أو بيت واتجوز انا وهيا وبصراحه انا خايف ان البنت دي تروح مني لأن نفسي اتجوزها والله وبتمنى انها تبقى مراتي .

( بيقولو دعوة 40 شخص غريب مستجابه )

♡ ممكن تدعولي اتجوزها ♡

حب من أول نظرة