رعب نفسي

بدايه القصه قبل اقل من سنه مره طلعت انا وولد عمي من بيت جدتي بالسياكل وجلسنا ندور في الحي خلصنا ورجعنا البيت وكان الوقت متأخر بحكم ان بيت جدتي كبير كنا نحط السياكل عند المزرعه عشان الصغار يخافون يروحون هناك وعشان ما تجيهم الشمس رحنا وحطينا السياكل وسمعنا صوت يجي من داخل المزرعه وكان غريب شوي نسمع صوت همس ونشوف نور خفيف استغربنا قال ولد عمتي: يمكن جن قلت انا: لا ما اتوقع دخلنا المزرعه وشغل ولد عمتي الفلاش حق الجوال وسحبته بسرعه وطفيت الفلاش عشان اللي داخل المزرعه اياً كان ما يحس فينا بدينا ندخل المزرعه ونقرب شوي شوي خطوه خطوه وكنا حذرين مره اننا ما نوقف على غصن ولا اوراق عشان ما نطلع اصوات قربنا للمكان وكنا واقفين ورا نخله وشفنا شخص لابس شي زي الفروه ومغطي راسه همس لي ولد عمتي بأذني وقال لي بصوت خفيف : يمكن عمي يسمع قصه قلت له انا : مستحيل عمي يجي هالمكان والبيت كبير في اكثر من مكان يجلس فيه وش يبي يجيبه هنا مسكت يده وقلت له: خل نروح للبيت عشان نعرف من اللي هنا وصلنا البيت وشفنا كل عماتي وعماني وما كنا منتبهين للشغاله لاننا ما فكرنا انها تكون هي اصلاً رحنا للغرفه اللي ننام فيها وجلسنا نسولف لين يجينا النوم وكان ولد عمتي جالس يطل من الشباك وحنا نسولف فجأة نزل من عند الشباك وطفا النور وسحب يدي وقومني عند الشباك وقلت له : وش فيك انت صاحي قال لي : شف قلت له : وش اشوف قال لي : شف المزرعه جلسنا نطل انا وياه الا شفنا الشخص نفسه يطلع من المزرعه تقريباً على الساع ١٢ وجا ودخل البيت انصدمنا حرفياً لان كل عماتي وعماني موجودين بالبيت يوم كان الشخص موجود بالمزرعه مين راح يكون اللي بالمزرعه رحنا عند عماتي وطلعو كلهم نايمين وعماني راحو لبيوتهم وجلسنا بالغرفه ولد عمتي حط الجوال بزاويه تكشف الدرج كامل وبدا يصور ورجعنا للغرفه وسوينا نفسنا نايمين مرت عشر دقايق وطلعت على اساس اني ابي الحمام عشان اشوف اذا في احد ولا لا ، رجعت للغرفه وقلت لولد عمتي :مافي احد ورحنا ناخذ الجوال وجلسنا نشوف المقطع اللي صورناه جلس ولد عمتي يسرع الوقت وقالي: تعال شف وشفنا الشغاله تروح للسطح لغرفتها قالي : خل نروح للمزرعه نشوف وش كانت تسوي قلت له : مستحيل يمكن ترجع وتكشفنا خلينا ننام الحين واذا صحينا نروح نشوف انسدح كل واحد بفراشه والصراحه ماجاني نوم ابد جالس افكر وش كانت الشغاله تسوي في المزرعه بعد تفكير طويل غفيت شوي وتنبهت على اذان الفجر قمت ودخلت الحمام وتوضيت وتسننت ورحت اصحي ولد عمتي عشان نصلي لقيته حابس نفسه تحت البطانيه سميت بالله عليه وجلست اناديه قام مفجوع ومسكته وسميت بالله وقلت له : قم توضا خلينا نلحق على الصلاه راح للحمام وطلع وكان سرحان في شي شاغل باله بس ما ادري ومو وقت اني اسأله الحين رحنا للمسجد وصلينا رجعنا لبيت جدتي وجلسنا بالحوش شوي لين تصبح الدنيا عشان نروح نشوف وش فيه بالمزرعه قبل ما يقوم اي ، احد جلسنا شوي وبعدها رحنا للمزرعه وشفنا الزاوية اللي في المزرعة وراح الخزان فيه كتاب غريب ملفوف بقماش احمر وبرميل حديد ورماد وشفنا كيسه به شعر قال لي ولد عمتي ؛ ياولد الشغاله تسوي سحر بس لمين قلت له : ما اتوقع الشغاله مسلمه قال لي : طيب يمكن ما تعرف ان السحر حرام او في احد اطلب منها تسوي هالشي قلت له : ما تدري يمكن احد طلبها بس مين ونزلت انا واخذت الكيس اللي فيه الشعر وجلست المس الشعر لكن ما عرفت شعر مين لكن ربطت الكيس وقلت لولد : خلينا نروح قبل يجينا احد وننكشف مشينا باتجاه البيت وكنت رافع طرف القميص من تحت وحطيت الكيس داخل عشان محد يشوفه ودخلنا ورحنا باتجاه الغرفه اللي ننام فيها وخبيت الكيس ونزلنا تحت جلسنا مع الاهل افطرنا وجلسنا نسولف شفنا الشغاله تدخل من باب الحوش و وجهها باين فيه ملامح الخوف قامت جدتي وقالت لها : وش فيك فزت الشغاله وقالت لها : لا مافي شي وراحت للمطبخ بسرعه وجلست تكلم بالجوال كالعاده ، خلص يومنا طبيعي ورحنا الغرفه بالليل وجلسنا نسولف ودخلت الشغاله فجأه وكانت تناظرنا بنظرات تهز جبل من الخوف وسألتنا بنبره حاده : وين الكيس قال ولد عمتي : اي كيس قالت : الكيس اللي في المزرعه قال ولد عمتي : مدري وشافت طرف الكيس طالع من شنطة ولد عمتي وراحت تبي تاخذه لكن مسكها ولد عمتي وصرخت وتركها ولد عمتي وراحت اخذت الكيس ووقفت بزاويه الغرفه مغطيه وجهها وتجمع كل البيت عندنا بالغرفه وجلست تقول لعماتي : ضربوني بدون سبب انا بس كنت باخذ شي من الفريزر وجلست تبكي طلعت وحده من عماتي واخذت معها الشغاله وجلست معنا باقي عماتي وقلنا لهم السالفه من البدايه وقالو لنا : تعالو خلونا نروح للمزرعه خفنا انا وولد عمتي بالبدايه لكن حنا كثارين ورحنا وما لقينا شي ابد حرفياً المكان نظيف مره ورجعنا للبيت وراحو عماتي لغرفهم وحنا رحنا للغرفه وجلسنا نحاول ننام انسدحت بفراشي افكر وقلت لولد عمتي : تتوقع عماتي بيقولون لعماني قال لي : اكيد بس انا ما همني اللي يهمني كيف الشغاله شالت الاغراض ونظفت المكان قلت له : يمكن دفنت كل شي والبرميل خبته في اي مكان ، راح ولد عمتي يطل من الشباك وقالي : تعال شف رحت انا وشفت الشغاله رايحه للمزرعه ولابسه الفروه صورها ولد عمتي وقال لي : خلينا ننام وانا اعرف اتصرف اذا صحينا نمنا نومه طويله صحينا قبل اذان الظهر ولقيت عماني ينتظروننا نصحو عشان يتفاهمون معنا وقالو لنا : كيف تضربون هالمسكينه اللي مخليه عيالها ومسافره عشان تطلع لهم فلوس وانتم جالسين تهينوها قالهم ولد عمتي : لا تستعجلون ترا امس بالليل صورتها وهي رايحه للمزرعه قال عمي الكبير : ورينا شافو المقطع قال واحد من اعمامي : يمكن هذا السواق قال ولد عمتي وش يبي السواق في المزرعه قاله عمي : يمكن نسى شي وراح يجيبه اتصل عمي على السواق وقال له امس وين كنت قاله السواق كنت اودي اغراض لمزرعه عمي الثاني اللي تبعد ٢٠٠ كيلو عن منطقتنا وقال انا الحين بالطريق راجع سكر عمي المكالمه وقال : يمكن حرامي قلت له : وش يبي الحرامي في المزرعه جلس ولد عمتي يقنع اعمامي انها الشغاله وقالهم خلونا نفتش غرفتها رقينا السطح وكانت مقفلة غرفتها ونزلنا تحت ندورها وما لقيناها قال ولد عمتي : يمكن تصير جالسه في المزرعه رد عمي عليه : وقال تعالو خلونا نشوف رحنا وصلنا المزرعه ولقينا ……….. للحكايه بقيه اكملها ؟